68 yaşlı Debbie Macomber (1948) hal-hazırda ədəbiyyatda tanınan simalardandır. Tərəzi bürcüdür :)
Oxuduğum kitab əslində yazıçının " Blossom Street" kitab seriyasına daxil olan kitablardan biridir. Yəni ordakı qəhrəmanların mən oxuduqdan sonrakı həyatlarında nə baş verir bunu artıq bilmirəm.
"Küçük mucizeler dükkanı" hissələrə ayrılmış şəkildə yazılıb.
Bildiyim qədərilə Debbie Macomberin bir sıra kitabları belə yazılıb. Yəni hər bir hissə əsas qəhrəmanlardan birinə həsr olunur. "Küçük muziceler dükkanı" ümumi 51 hissədən ibarətdir. Ardıcıllıqla mağazanın sahibi Lydia Hoffman, kursun üzvləri Jacqueline Donavan, Carol Girard, Alix Townsend haqqında elə bu personajların adlarıyla olan başlıqlar verilir. Kitab da elə bu personajların məhz belə ardıcıllığı ilə davam edir. Əvvəlcə Jacqueline-ni heç çox istəməmişdim. Əslində sonra qədər ona o qədər də isti münasibət bəsləyə bilmədim.
