bi küçük Eylül meselesi

   Baş rollarında Farah Zeynep Abdullah və Engin Akyürek'in yer aldığı "bi küçük Eylül meselesi" filmindəki hadisələr Türkiyənin Bozca adasında baş verir. Düzünü deyim ki, trailerinə baxanda mövzusunun necə olacağı haqqında heç nə xəyal edə bilmədiyim bir film idi. 


Əvvəlinə baxıb təxmini necə olacağını düşünsəm də film heç vaxt ağlıma gələ bilməyəcək sonluqla nəticələndi. Rejissor və senarist Kerem Derendi.  Engin Akyürek yəni filmdə canlandırdığı obrazın adıyla desəm Tekin Bulut bir karikaturisti canlandırır. 


   Filmdə onun çəkdiyi kimi qələmə verilən rəsimləri isə Türkiyənin məşhur karikatura ustalarından biri olan Erdil Yaşaroğlu çəkib.



Bəyənmədiyim məqamlar var idi amma filmdə mənə maraqlı gələn çox cümlələr eşitdim. Ən sevdiyim cümlə isə "Bazı şeyleri hatırlamak tehlikelidir" oldu. 

  Son zamanlarda Farah Zeynep Abdullah  ulduzu parıldayan aktrisalardandı. "Kelebeğin rüyası" filmindən tanısam da bu filmdə sevə bilmədim. 
 Ola bilsin filmi tam olaraq sevə bilmədim,  izah olunmağa çalışılan  mənə görə -  insan sevgisiylə birini dəyişdirə bilər, onu özünün həyatına bağlayıb özünə aid edə bilər. Əgər o insan da bunu istəyirsə və onu istəyəni sevirsə.  Amma həmin  insanı qoyub heç yerə getməyin. Nəticələri gözlənilməz olur.

Soundtrackını eşitməyən yoxdur yəqin ki, amma yenə də paylaşmaq istədim. 

P.S. Ən sonda yazdıqlarımla nə demək istədiyini bilmək istəyirsizsə filmə baxın -)
"bi küçük eylül meselesi var.. halledemiyorum."
"bi küçük eylül meselesi var.. halledemedim."