Bəstəkar Fərəc Qarayevin 70 illik yubileyi məhz elə onun ad günündə yəni 19 dekabr tarixində Filarmoniyanın səhnəsində qeyd edildi. İlk ifa olunan əsər Atrhut Lourie-nin Fərəc Qarayev tərəfindən kamera orkestri üçün redaksiya olunmuş "Syntheses" əsəri idi. Əsər Arthur Lourie tərəfindən 1914-cü ildə qələmə alınıb. Fərəc Qarayev isə bu əsəri 2010-cu ildə redaskiya edib.
Athur Lourie (1892-1906) Rus-Amerika bəstəkarı, nəzəriyyəçisi, tənqidçisi, musiqidə futurizmin və 20-ci əsr musiqi avanqardının görkəmli nümayəndələrindən biri olmuşdur.
İkinci Arnold Schönbergin "İntizar"ının Fərəc Qarayev tərəfindən kamera orkestri üçün redaksiyası səsləndi.
Bu əsər 1909-cu ildə yazılıb, Fərəc Qarayev isə bu əsəri 2004-cü ildə redaksiya edib.
Şönberg (1874-1951) Avstriya bəstəkarı, musiqişünas, pedaqoq, dirijor, ekspressionizmin görkəmli nümayəndəsi, Yeni Vyana Məktəbinin banisi olmuşdur. Dodekafoniyanın ixtirası ona məxsusdur.
Sonuncu əsər isə Fərəc Qarayevin özünün "Vingt ans apres - nostalgie" adlanan əsəri idi. Əsərin ideyası 1988-ci ildə yaranmış və ilkin olaraq 5 alət üçün Kamera Konserti kimi reallaşmışdı. Sonradan ,1989-cu ildə opus ... alla "Nostalgia" - Andrey Tarkovskinin xatirəsinə Kamera konserti kimi yeni həyat əldə etmiş olur. Müəllifin sözlərinə görə, "Vingt ans apres - nostalgie"... adında ilk növbədə 1989-2009-cu illər ötən 20 illik zamanın nostalgiyası var və yenə də müəllif qeyd edir ki, " məni Alfred Schnittke nəzəri, Edison Denisov praktiki olaraq bu və ya başqa mənada daha geniş dairəyə çıxartdılar" . Məhz buna görədir ki, əsərdə Alfred Schnittke ad-soyadının ilk hərflərini təşkil edən A(e)S üçton və Edison Denisovun ad-soyadının hərflərini əks etdirən A.(e)SCH və E.DE(e) klasterinə vacib yer verilib.
No comments:
Post a Comment