"Kardeşim Benim"

Sabahın xeyir dünya. Sabahınız xeyir uzun müddət məni bloqumda görməyənlər. Sabahınız xeyir yazılarım üçün darıxanlar. Təvazökarlıqdan uzaq oldu bilirəm :)))

Və salam , təsadüfən  sırf film haqqında oxumaq üçün bloquma gələnlər. 

Çox ehtimal ki, bu filmdən həyati nəticələr çıxarmaq üçün gedilmədiyini bilirsiz.  Qeyri-adi mövzusu yoxdu. Hətta mövzusu bir az da türklərin "Yeşilçam" filmlərinə bənzəyirdi.

 Filmin müəyyən anları var ki, həddindən artıq çox güləcəksiz. Bir də filmin çəkildiyi bölgənin təbiəti çox gözəl idi. İzmir onsuz gözəlliyi ilə məşhurdu. Üstəlik Urla adlanan bölgəsi də tanınan yerlərdəndi. Dənizin kənarında, rahatlıq verən şirin yerdi. Əslində filmdə nəzərə alınmayan çox nüans var idi. Zeynəb rolunu canlandıran Aslı Enver film boyunca neçə dəfə paltar dəyişir və əlsində atalarının cənazəsinaə xəbər yazmaq üçün gedən Zeynəb oğullarının ölkənin başqa bir yerinə səyahətə gedəcəklərini hardan bilmişdi ki,  o da yola özüylə bir xeyli əyşasını götürə bilmişdi. Bir də sonda Hakan və Ozanın yəni Burak Özçivitlə Murat Bozun atalarının başqa bir qızı olan Ayşenin xəstəlikdən bir müddət keçəndən sonra birdən birdə o qədər uzanan saçları reallığa uyğun deyildi. Bütün bunları nəzərə almasanız ,  sadəcə gülmək və stress atmaq üçün getmək istəyirsizsə gedə bilərsiz.

Bakıda Nizami Kino Mərkəzində Qala gecəsi keçirilmişdi. Baş rolların ifaçıları hamısı da gəlmişdi. Amma belə filmlərin Qala gecəsinin keçirilməsinin heç bir mənası yoxdu. Buna nəinki getməyə heç ümumiyyətlə belə filmlərə bu qədər diqqətin ayrılması da mənasızdı. 

P.S. Məni tanıyanlara isə sözüm.  Magistr imtahanını nə siz soruşun, nə mən deyim. Çətin idi. Mən asan olacağını gözləmirdim, bu dərəcədə çətin də olmasa yaxşı olardı. Hər nə qədər qəbul eləmək istəməsəm də imtahan artıq bitib və mənim əlimdən gələn heç nə yoxdur. Bircə evdən yığışdırmalı olduğum məntiq, informatika və rus dili testləri var. Və həyata qaldığım yerdən davam etməliyəm.